Որքանով են սուրբերի սրտերը հանգիստ գտնում մեզանով

“Որովհետեւ շատ ուրախություն եւ մխիթարություն ընդունեցինք քո սիրո վրա, որ սուրբերի սրտերը քեզանով հանգիստ են գտել, եղբայր” (Փիլիմոն 7): Այս խոսքերը Պողոս առաքյալը գրում է Փիլիմոնին: Կարծում եմ` նա մեծ պատվի էր արժանացել, որ առաքյալն այսպիսի խոսքեր էր գրում նրան: Պողոս առաքյալի նման չարչարված, հալածված, դժվարությունների միջով անցած մարդու համար Փիլիմոնի վարքը սիրտը բժշկող յուղի պես էր: Փիլիմոնը օրինակ է վերջին ժամանակների քրիստոնյաների համար:

Եկեք մի պահ մտածենք, թե որքանով են մեր հովիվների կամ ավագների սրտերը ուրախություն եւ հանգստություն գտնում մեզանով: 

Աֆորիզմ կյանքի փուլերի մասին

Մարդը մինչեւ 20 տարեկանը ցույց է տալիս մարմինը, 20-40–ը` աշխատասիրությունը, 40-60-ը` գիտելիքները, 60-80-ը` փորձառությունը եւ իմաստությունը: Ցավոք, կան մարդիկ, որոնք կյանքի բոլոր փուլերն անցկացնում են մանկության մեջ` ցուցադրելով իրենց մարմինը: Պողոս առաքյալը խորհուրդ է տալիս թողնել մանկությունը:

Արթուր Սիմոնյան

Մենք պետք է հրաժարվենք գոլ կյանքից

“Գիտեմ քո գործերը, որ ոչ ցուրտ ես, ոչ տաք, ոհ թե ցուրտ լինեիր կամ տաք: Ուրեմն որովհետեւ գաղջ ես, եւ ոչ տաք եւ ոչ ցուրտ, քեզ պիտի փսխեմ Իմ բերանից” (Հայտնություն 3.15, 16): Երբ կարդում ես Հայտնության գրքի այս խոսքերը, քո մեջ հարց է ծագում. ”Ինչպես կարող է Աստված փսխել ինչ-որ մեկին”: Իսկապես, ինչպես կարող է Աստված նման ցանկություն ունենալ, չէ որ Նա սեր է:

Կարծում եմ, որ Աստված չի ցանկանում փսխել ոչ ոքի: Ինքներդ գիտեք, որ դա հաճելի բան չէ. ոչ ոք չի ցանկանա փսխել իր կերածը: Սակայն լինում են դեպքեր, երբ կերակուրը հին կամ թունավոր է լինում, եւ դու չես կարողանում մարսել կերածդ:

Արթնությունն ու աղոթքը քայլում են կողք կողքի

“Արթուն կացեք եւ աղոթք արեք, որ փորձության մեջ չմտնեք, հոգին հոժար է, բայց մարմինը տկար”(Մարկոս 14.38):

Հիսուս Քրիստոսն այս խոսքերով մեծ ու հզոր հայտնություն տվեց Իր աշակերտներին: Հաճախ մտածում ենք, որ արթուն մնալը եւ աղոթք անելը ուղղակի լավ է մեզ համար, բայց դա պետք է անենք, որպեսզի փորձության մեջ չընկնենք: Յուրաքանչյուր ոք կարող է ընկնել մեծ փորձության մեջ, եթե չաղոթի Տիրոջը:

Արթնությունն ու աղոթքը քայլում են կողք կողքի: Անհնար է ունենալ աղոթքի կյանք առանց արթնության, և հակառակը: Արթնությունը բերում է աղոթքի, աղոթքը` արթնության… 

Սեր եւ միաբանություն` Քրիստոսի մարմնի կարեւոր հատկությունները

“Արդ եթե մխիթարություն կա Քրիստոսով, եթե սիրո սփոփություն, եթե Հոգու հաղորդություն, եթե գթածություն եւ ողորմություն, ապա լցրեք իմ ուրախությունը, որ նույն միտքն ունենաք, նույն սերն ունենալով, միաշունչ միեւնույնը խորհեք” (Փիլիպեցիս 2.1, 2):

Պողոս առաքյալը հրաշալի խոսքեր է գրում հավատացյալներին: Ես խորհուրդ կտամ, որ կարդաք նաեւ այս համարների շարունակությունը: Ուղերձը վերաբերում էր Փիլիպեցիս եկեղեցուն. նրանք պետք է լցնեին Պողոսի ուրախությունը:

Շատ անգամ առաջնորդը ցանկանում է տեսնել արդյունք, որպեսզի իր սիրտը լցվի  ուրախությամբ: Եվ Պողոս առաքյալն ուզում էր ոչ թե ֆինանսներ կամ նյութական ինչ-որ պարգեւ, այլ փափագում էր տեսնել միաբանություն, որպեսզի Տիրոջ գործը առաջ գնար: 

2012 թվականը հոգեւոր զարթոնքի եւ նորոգության տարի

Սիրելի’ բարեկամ, եւս մեկ տարի մնաց անցյալում, եւ այժմ մենք դիմավորում ենք 2012 թվականը: Անցնող տարին լի էր ձեռքբերումներով, բարի գործերով, բայցեւ` դժվարություններով: Թե անձնական եւ թե եկեղեցական կյանքում մենք անցանք տարբեր հիասթափությունների միջով, բայց Տիրոջից ստացած խոսքի համաձայն` ունեցանք նաեւ հաղթանակներ այդ հիասթափությունների նկատմամբ:

Սա մի ընթացք էր, երբ փորձվեցին մեր սրտերը, հավատքը, հավատարմությունը, եւ մենք ավելի կոփվեցինք ու ամրացանք: Նեղություններն ու դժվարությունները մեզ դարձրեցին ավելի միաբան, առաջնորդեցին աղոթքների եւ ծոմապահության մեջ, որ ավելի փնտրենք Տիրոջ երեսն ու Նրա իմաստությունը: Այդ ամենի մեջ Տերը մեզ հետ էր, Նա մեզ օգնում եւ մխիթարում էր: Աստված հավատարիմ է, Նա երբեք Իր ժողովրդին Իր երեսից չի ձգում:

ՇՆՈՐՀԱՎՈՐ ՍՈՒՐԲ ԾՆՈՒՆԴ

ՇՆՈՐՀԱՎՈՐ ՍՈՒՐԲ ԾՆՈՒՆԴ ԵՎ ՆՈՐ ՏԱՐԻ: ՄԱՂԹՈՒՄ ԵՄ, ՈՐ ՔՐԻՍՏՈՍ ԾՆՎԻ ՄԵՐ ԲՈԼՈՐԻ ՍՐՏԵՐՈՒՄ, ԵՎ ՆՐԱ ԼՈՒՅՍԸ ԾԱԳԻ ՄԵՐ ԿՅԱՆՔԵՐՈՒՄ:

Ինչպե՞ս համոզված լինեմ, որ ունեմ հոգու փրկություն

Հարց - Ինչպե՞ս համոզված լինեմ, որ ունեմ հոգու փրկություն եւ հավիտենական կյանք:

Պատասխան - Կարծում եմ, որ դա կախված է ձեր հավատքից: Շատ մարդիկ, իրենց մարմինները տանջելով, հույս ունեն հասնել փրկության, սակայն Աստծո Խոսքն ասում է. “Ով որ հավատաց եւ մկրտվեց, կփրկվի” (Մարկ. 16.16): Հռոմեացիներին ուղղված թղթում գրված է. “Որովհետեւ եթե բերանովդ Հիսուսին Տեր դավանես եւ սրտումդ հավատաս, թե Աստված հարություն տվեց Նրան մեռելներից, կապրես” (Հռոմ. 10.9):

Դուք պարզապես պետք է հավատաք Աստծո Խոսքին: Հավատալ նշանակում է վստահել:

Հոգին հոժար է, մարմինը` տկար

Հարց - ժամանակ առ ժամանակ հոգևոր թուլություն եմ զգում և չեմ կարողանում ո’չ աղոթել, ո’չ Աստվածաշունչ կարդալ. դա մեղքի արդյունք է, թե պարզապես տկարություն:

Պատասխան - Իմ կարծիքով` “հոգևոր թուլություն” հասկացություն իրականում գոյություն չունի, քանի որ Սուրբ Հոգին ապրում է մեր մեջ, և Նրա զորությունը մեր մեջ է. Նա եկել է, որպեսզի զորացնի մեր հոգին: Մեր թուլության պատճառը մարմնավոր է: Քրիստոսը Գեթսեմանյան պարտեզում Իր աշակերտներին ասաց. “Հոգին հոժար է, բայց մարմինը` տկար”: Աշակերտներն ունեին հոգու հոժարություն, բայց նրանց մարմինները տկար էին: Հավատացած եմ, որ մեզանից յուրաքանչյուրի հոգին հոժար է աղոթել, կարդալ Աստծո Խոսքը, բարի գործեր անել, սակայն շատ դեպքերում մարմինը թույլ չի տալիս, որովհետև տկար է:

Նա, ով օծված է Աստծո յուղով, կվառվի, բայց չի այրվի

Երեկ երիտասարդների հետ կիսվում էի Աստծո լույսի մասին: Ներկայացնում եմ մի քանի մտքեր իմ քարոզից: Հուսով եմ, որ դրանք ձեզ համար օգտակար կլինեն:

Եթե պատրույգը նավթի մեջ թաթախված չլինի, ապա կայրվի եւ կվերջանա. հարց` իսկ մենք թաթախված ենք Աստծո Խոսքի օծության մեջ: Եթե Տիրոջ Խոսքը մեր մեջ չլինի եւ աղոթքի կյանք չունենանք, ապա պատրույգի պես արագ կվառվենք եւ կմարենք:

Մատթ. 5.14-16 – շատ քրիստոնյա երիտասարդներ հասարակության մեջ թագցնում են իրենց լույսը: Լույսը նրա համար չէ, որ այն թագցնես: Եթե լույսդ թագցնես, ապա այն ոչ մի բանի պիտանի չի լինի: